ها قد أتى الخريف

بحب فصل الخريف

أغلب الناس بتقول الربيع أجمل فصول السنة و دا طبعاً علشان الورد و ألوانه و الخضرة الجميلة بس لو جينا للجو هنلاقي الجو بيبقى مش حلو تراب و خماسين و مائل للحر

أما في الخريف فالجو بيكون مثالي

بحب نسمة الهواء المائلة للبرودة و قت الصبح بدري و وقت المغربية

بحب صوت حفيف الأشجار

بحب لون ورق الشجر الأصفر و البرتقالي

بحب رائحة الجوافة و عصير الجوافة باللبن و عسل النحل اللي كنا بنشربه من بداية السنة الدراسية و طول شهر أكتوبر اللي هو موسم الجوافة يعني

بحب شرب الكاكاو الساخن

الخريف بالنسبة لي هو أحلى فصول السنة و ها قد أتى

بس السنة دي مش عارفة أستمتع بيه بس بحبه

و بدون وعي بخلي هاجر كمان تحبه و تحب كل الطقوس اللي بحبها فيه و هي نفسها عندها الاستعداد و مش هنكر Winnie the Pooh ساعدني شوية بالفيلم اللي جبته لها من قريب

علشان في الفيلم بوه كان بيحتفل ببداية الخريف و ورق الشجر المتساقط الملون و الكاكاو السخن و عسل النحل و بما إنها متعلقة جداً بيه فحبت الحاجات دي كمان

و يستمر حلمي بإني أحضر بداية الخريف في مكان يكون مليان أشجار طويلة و ضخمة علشان أشوف ألوان ورق الشجر الجميلة و يكون فيه كوخ خشب فيه دفاية و على بحيرة ماء عذب و أكمل كل الخريف و الشتاء هناك في المكان دا أشرب كل الكاكاو و الهوت شوكليت اللي في الدنيا كلها و أحط البطانية الصوف على أكتافي قدام الدفاية و أنا لابسة الشراب الصوف بدون أي ملمح من ملامح التكنولوجيا غير جهاز اسطوانات أسمع فيه نغمات الموسيقى الهادئة و آلاف من الكتب أقرأها مع كل أكواب الكاكاو الساخنة و عصير الجوافة الممكنة

رغم اني من مواليد الصيف و بالتالي المفروض أكون بحب الصيف إلا إني أعلنها على الملأ أنا بحب الخريف و مغرمة بالشتاء

و كل خريف و شتاء و احنا كلنا طيبين

الحمد لله الذي لا يحمد على مكروه سواه

أولاً و قبل كل شئ بقول الحمد لله على كل شئ

الحمد لله كما يبنبغي لعظيم وجهه ذو الجلال و الإكرام

الحمد لله الذي لا يحمد على مكروه سواه

ثانياً أحب أشكر كل اللي دعوا لوالدتي و سألوا عليها و بعتوا لها السلام

أنا كنت بشوف كل تعليقاتكم و بنشرها في حدود الوقت المتاح بس للأسف ماكانش بيكون في وقت كفاية اني أرد على كل تعليق بس آديني بشكركم كلكم شكر جماعي و يا رب ماتحرمش منكم أبداً و لا من سؤالكم علينا

أطمنكم على والدتي هي الحمد لله عملت العملية و العملية تمام و الحمد لله بس طبعاً هي تعبانة شوية لإن جرح العملية كبير و ركبت شريحة كبيرة 15 سنتيمتر بس الحمد لله على كل حال

مش عايزاكم تنسوا تدعوا لها من قلبكم احنا في العشرة الأواخر ربنا يستجيب دعواتكم و يهون عليها فترة الرقاد و يهون عليها الآلام

و شكراً مرة تانية لكم جميعاً

نسألكم الدعاء

السلام عليكم و رحمة الله و بركاته

أولاً طبعاً عايزة أقول لكم كلكم كل سنة و انتم بألف خير و سلامة و ربنا يتقبل مننا و منكم صيام الشهر الكريم و يرزقكم و إيانا بمغفرة و عتق من النار قبل أن ينتهي إن شاء الله

ثانياً أنا عايزة أعتذر لكل أحبابي و أصدقائي الذين أرسلوا لي تعليقات على تدويناتي الفترة اللي فاتت و لم أرد عليهم لإن ظروفي لم تسمح لي على الإطلاق

أخيراً و ليس آخراً إن شاء الله أنا بطلب منكم جميعاً الدعاء لوالدتي في هذه الليلة المفترجة و هذه الأيام المفترجة ان ربنا يهون عليها و ييسر لها حالها. هي هتعمل عملية يوم الأحد القادم إن شاء الله لتركيب شريحة في ساقها لوجود كسر مضاعف في عظمة الساق الرئيسية و من بعدها ستلازم الفراش لأربعة أشهر دون حركة من الفراش نهائياً و من بعدها شهرين علاج طبيعي

فلن أوصيكم ادعوا لها ربنا ييسر لها العملية و تخرج منها بالسلامة و يهون عليها فترة الرقاد و يهون عليها لان حالتها النفسية سيئة للغاية

و مرة تانية كل عام و أنتم جميعاً بألف صحة و سلامة

عندما توقن أن لك أصدقاء

طول الوقت و أنا عارفة ان لي أصدقاء كثير و الحمد لله صحيح هم من إتجاهات مختلفة في الحياة و يمكن يكونوا هم شخصياً ما يعرفوش بعض إنما هم كلهم أصدقائي

و صحيح برضه انه مش كلهم لهم نفس المعزة عندي و لكن بحبهم كلهم مع إختلاف درجات الحب دي

و لكن يوم الأربعاء اللي فات أدركت يعني ايه تحب قوي في الله و يعني ايه ان الصداقة ترتفع لمرتبة الأخوة

كنت أجازة في البيت و أجازة مش مترتبة جت كدا على فجأة و أنا أوقات كتير لما بكون أجازة في البيت من باب التغيير بحاول أعمل حاجات مختلفة فكنت بتفرج على برنامج صباحك سكر زيادة على قناة OTV

و في أول الحلقة قالوا انهم هيستضيفوا كاتبة صحفية من جريدة الأهرام و هتتكلم عن كتاب جديد اسمه نامت عليك حيطة

الأول لما سمعت اسم الكتاب عدى على ودني كدا و بعدين لقيتني بقول ايه دا؟ دا كتاب نهى معقولة أخيراً هشوف برنامج تليفزيوني عن نهى و كتبها و بقيت متحمسة جداً و مستنية الفقرات تخلص بسرعة علشان تيجي الفقرة دي

و بقيت قاعدة قدام التليفزيون زي ما يكون حد ممسمرني مش بتحرك من مكاني و بسمع كل كلام الصحفية عن نهى و مدونتها و كتابها و طريقة كتابتها و جسمي كله مقشعر و فرحانة جداً و من كتر فرحتي حسا بالدموع في عيني و دي برضه كانت أول مرة أعرف يعني ايه دموع الفرحة

بعد ما الفقرة خلصت كنت عايزة أكلمها في التليفون مش عارفة هقول لها ايه بس عايزة أكلمها و خلاص و كان موبايلي فاصل شحن و الشاحن مختفي و ما عرفتش أكلمها الا تاني يوم صحيح ماعرفتش اوصل لها بس لسا عندي إحساس إني عايزة أكلمها على الرغم اني مش عارفة أقول لها ايه

المهم اني عرفت درجة جديدة من الغلاوة في الصداقة ماكنتش مدركاها و فرحانة انه الدرجة دي ظهرت لواحدة بريئة و حبوبة و صدوقة زي نهى

مبروك يا نهى و يا رب أشوف كل نجاح ليكي و أفرح بيه و احنا أصدقاء و أخوات قريبين من بعض

عربة الفول

من فترة وجدنا عربة فول وقفت قريباً من منزلنا على مفترق طرق في موقع متميز قريب من النادي و أمام مول به أكثر من كافيه و المنطقة الحق لله متميزة جداً جداً

و لما وجدنا ان اللي واقف على العربية شاب صغير قلنا ربنا يبارك له المكان كويس جداً و احنا في الصيف كل الشباب اللي بيسهروا في النادي و في الكافيهات هيتعاملوا معاه و احنا كمان داخلين على رمضان و دا موسم الفول المدمس و كل سكان المنطقة هيتعاملوا معاه

طبعاً أنا عارفه انه كثير هيهاجموني ويقولوا لي اعتبارات الصحة و التلوث و الكلام دا كله و طبعاً أنا موافقكم جداً بس أنا ساعتها أكثر حاجة بصيت لها و عجبتني ان دا شاب صغير لم يستسلم للبطالة و أوجد لنفسه حل ياكل بيه عيش و يدخل لنفسه رزق حلال و عجبني.

المهم ان بعد يومين أو ثلاثة أيام على أقصى تقدير و أنا رايحة لعملي الصبح لقيت البلدية بيشيلوا له العربية علشان قال ايه إشغال الطريق.

بقيت بخبط كف على كف هم عايزين ايه ما يسيبوه ياكل عيش و بعدين هو واقف في مكان لا يمثل فيه أي إشغال للطريق. و بعدين يعني هم مسكوا في دا و سابوا المقاهي و المحلات اللي بتحتل الرصيف كله و جزء من الشارع. سابوا المحلات اللي بتفتح تحت العمارات السكنية بدون تراخيص لإن دا ممنوع أصلاً؟

يعني كل دول مش إشغال طريق و الولد المسكين دا هو اللي إشغال طريق؟؟

هترجعوا تاني و تقولوا لي بس تلوث الطعام و الأمراض و غيره و غيره. طيب ما هو في عربيات من بتاعة مشاريع الشباب بتبيع خضار و فاكهة و أكل يعني في قوانين بتضمن ان اللي بيبيعوا على عربيات متجولة يكون في رقابة من الصحة عليهم.

ايه المانع ان دا يكون كمان على العربيات المتجولة اللي مش تبع مشاريع الشباب التابعة للدولة علشان مش كل الشباب يقدروا على قروض الشباب و أقساطها؟

ايه المانع اننا نيسر الإجراءات دي علشان نشجع الشباب انهم ينفذوا الإجراءات دي من غير عقد علشان نشجعهم يلتزموا بالقوانين و نضمن في نفس الوقت صحة الناس اللي هياكلوا من على العربيات دي؟

هو مش دا أحسن من ان الشباب دول يقعدوا فاضيين على القهاوي و يشربوا الشيشة بالبلاوي اللي عليها و يدمنوا المخدرات و نسمع عن الحوادث البشعة اللي بنسمع عنها من سرقة و قتل و إغتصاب؟

و بعدين أكيد يعني لو كان الولد دا فتح دماغه كدا و دفع لبتوع البلدية دول قرشين محترمين ماكانوش سحبوا عربيته. و مش بعيد بعد شوية نلاقي الولد دا رجع تاني بعربيته هو أو واحد غيره يسمع عن انه كان في هنا عربية و شغلها ماشي و يأجروا له المكان دا بمبلغ يومي زي ما بيعملوا مع المطاعم و القهاوي علشان يسيبوه و نبقى أجبرناه انه يكون راشي علشان يعرف ياكل عيش.

و يبقى بشكل أو بآخر برضه بعد عن الرزق الحلال و بالاكراه.

و النبي دا حلال و لا حرام؟؟؟

ارحمونا و ارحموا شباب البلد دي علشان ربنا يبارك لنا و يبارك في بلدنا

عالم صوفي

الصورة بعدسة حبيبتي شيماء- الصراحة

من فترة حبيبة قلبي نهى محمود و المعروفة عند الكثيرين بإسم كراكيب و اللي هو إسم مدونتها عملت مدونة جديدة إسمها عالم صوفي و لم تعلن إن المدونة دي ملكها

و في يوم دخلت و علقت على تدوينة عندي بإسم عالم صوفي فزرت المدونة علشان أعرف مين مالكها قرأت التدوينات الموجودة بها و لم أشعر أن هذه الكتابة غريبة عليَّ دي كتابة نهى فإتصلت بها

أنا: نونا انتي عملتي مدونة جديدة؟؟

نهى: هيهيهيهيهيهيييييييييي (دي ضحكة نهى اللي بتحاول تخليها خبيثة و عمرها ما عرفت لإنها أكثر بنوتة بريئة عرفتها في حياتي) إشمعنى يعني؟؟

أنا: أصل في مدونة زارتني إسمها عالم صوفي و لما زرتها و قرأتها حسيت انها كتابتك انتي عالم صوفي مش كدا؟؟؟

نهى: هيهيهيهيهييييييييييييي أيوة. أصلي بصراحة كنت حاسا اني عايزة أكتب من غير ما أحس اني مكشوفة قوي قدام كل اللي بيقروا كراكيب فكتبت عالم صوفي حاجة لي لوحدي

وقتها طبعاً أنا فرحت قوي اننا بالقرب دا من بعض و انها ما خبتش عليَّ اللي جواها و عرفتني على عالم صوفي

و فضلت متابعة المدونة و ماقلتش لحد إنها نهى إلى أن وجدت الإعلان عند شوشو/ الصراحة و عرفت ان في ناس بدأت تهاجم عالم صوفي و تتهمها بالسرقة من نهى محمود فاضطرت انها تعلن انها فعلاً نهى محمود و مش بتسرقها و لا حاجة

فقلت أنا كمان أعمل إعلان عندي و أقول لنهى

نونا حبليبة قلبي انتي لازم تفرحي اللي بيحصل دا إعتراف من كل اللي بيقرأ لك ان أسلوبك مميز و إننا بنتعرف عليه طول الوقت لانه بيميزك عن غيرك كثير و بعدين فيه اللي بيدافع عنك و عن كتابتك

و بعدين سواء كراكيب و لا عالم صوفي نهى هتفضل نهى :)

مشروب الطاقة

بصراحة أنا لما كتبت التدوينة بتاعة القهوة و الشيكولاتة ماكنتش متخيلة إني هلاقي الإقبال دا و لا إن أغلبية صديقاتي المدونات هيطلعوا بيشاركوني الحب دا


و عليه أنا قررت أهاديكم كلكم بهدية يا رب تعجبكم في الحر دا بس دا مش معناه اني هقلبها مدونة مطبخية هي الهدية دي و خلااااااااااااااااص :)


بصوا أنا هديكم وصفة مشروب الحق لله هو مش من إختراعي. دا إختراع واحدة من أعز صحباتي و هي كمان زيينا بتموت في القهوة. و هي مسمية المشروب دا مشروب الطاقة و هو فعلاً بيعمل إنتعاشة و طاقة كدا جبارة :) يللا على الطريقة


* المقادير:
كوب لبن مثلج
كوب ماء مثلج
شوية مكعبات ثلج قد 10 أو 15 مكعب
6 ملاعق صغيرة نيسكافيه
3 ملاعق صغيرة بس مليانة كاكاو نيسكويك
9 ملاعق صغيرة سكر أو حسب الرغبة ممكن تزودي السكر أو تقلليه حسب مزاجك و انتي بحبي السكر قد ايه


نحط كل المقادير دي في الخلاط و نضربها كويس لحد ما النيسكافيه و النيسكويك و السكر يدوبوا بس لازم يفضل فتافيت تلج مجروش بتخلي الطعم أحلى و المشروب منعش أكثر و المقادير دي بتعمل 3 كوبايات كبار


و بعدين بنصب في كوبايات و نزين فوق الوش بكريم شانتي زي الصورة اللي فوق دي


و ممكن نزين وش الكريم شانتي برشة كاكاو أو بصوص شيكولاتة زي الصورة دي

بس أنا بصراحة زينته بصوص كراميل بدل صوص الشيكولاتة و طلع طعمه تحفة

و في حاجة كمان بدل الكريم شانتي تزيد المشروب إنتعاشاً نحط فوق الوش بولة آيس كريم شيكولاتة و فانيليا زي آيس كريم كرنفاليتا كدا أو فانيليا بس أو شيكولاتة بس

و بصراحة بصراحة يعني في الحر دا موضوع الآيس كريم ألطف من الكريم شانتي

جربوا كدا و مستنية أسمع رأيكم كلكم :)

BON APPETITE

A Cup of Coffee & a Piece of Chocolate

I don't know from where came the joint between Coffee & Chocolate to make them like a Twin that never get apart.

All what I know that they couldn't be anything but together.

All the people near me knows my addiction to the Coffee beans & all the drinks that has the Coffee as an ingredient in it.

But few days ago I was thinkng, I'm really addicted to the Coffee it occupies a part of my every day which is not a small one.

Drinking Coffee & eating Chocolate cause me a state of pleasure whatever my mood is. I know that there is a scientific facts confirms this but with me this fact proves its truth.

Another thing came to mind while thinking in my Lovely Twin, that both Coffee & Chocolate have bitterness in their taste. Yes they are bitter. Sweet becuase of the added Sugar & sweeteners to them but thier original taste is bitter.

And I thought that Human Beings are the only creatures eating things with bitter taste & yet likes it. Why is this?

By looking to what I wrote & what I'm thinking of when I think of Coffee & Chocolate, I know that whomever read this will say what is the nonsense she is talking about?!!

Yes, may be this is a very silly issue to talk about, but Things which have all this space in my every day like Coffee & Chocolate, deserves from me to talk about :)

Till when??!!

Just a Question overwhelming me

Till when??!! Will there be an End??

Will I feel peaceful with all the bothering things & persons surrounding me as long as nothing will change???

Again it is just a question.

The Tag of 8s

As I said this is a delayed Homework on me assigned by my dear friends epitaph and Thoughts of the Thought-Less.

The Strange Coincidence that both of them passed it to me in the same day:)

Anyway let's see the Tag & my answers to it.

* 8 things I’m looking forward to.

1) Having a long vacation on the shore of the sea in an isolated place with nothing else but the sea & my small family.
2) Learning al Qura’n.
3) Being settled.
4) To learn how to deal with Hagar in this age without spoiling her or being cruel on her.
5) To See Hagar in the best school in her first year with the school’s clothes.
6) To see Hagar playing Ballet.
7) Organizing the drawers & cabinets all over the home.
8) To get rid of all the annoying people in my life.

* 8 things I did yesterday.

1) Visited my parents & brothers.
2) Cooked.
3) Got exhausted by Hagar’s Naughtiness (Like every day)
4) Started working on a project which I hope will be a successful one.
5) Went shopping for home needs.
6) Ate butter cookies (yummy).
7) Watched TV.
8) Slept.

* 8 things I wish I could do (ranked by the degree of being impossible).

1) Having a nice wooden house in the navy color with white big windows to allow a lot of light inside the entire house & to be decorated all on my own taste. And it should be located in an island & to be on the shore of the ocean.
2) Be in home & yet working the kind of job which I like.
3) Getting rid of my nervousness.
4) Having everything in life going smooth & gentle.
5) Having more mornings in the sun not in a locked office.
6) Seeing Hagar safe in our world.
7) Make sure that my Husband is completely happy with me.

* 8 shows I watch.

1) Oprah Winfrey Show.
2) Rachel Ray (Not regularly the last Period).
3) Friends.
4) Ghost Whisperer.
5) CSI Miami & CSI NY.
6) Medium.
7) Murders she wrote (an old show which I hope they will re- run).
8) Midsomer Murders.

* 8 things I love.

1) My parents & Brothers.
2) My daughter.
3) My Husband.
4) Coffee.
5) Reading especially in English.
6) The Sea.
7) Fairouz (Harp of Heaven).
8) Watching American Movies (but not all of it of course).

* Whom I’ll tag along.

Sara7a, Karakib Nona, whispers, Madam Salamony, and every one passes by & likes to answer the Tag :) .

بعد غياب

غبت كتير الفترة الأخيرة عن مدونتي. وحشتني قوي فهي بيت ليَّ هي كمان لما بغيب عنها بتوحشني قوييييييييييييييييييييييييي.

و بعد طول الغياب هبدأ بواجب متأخر عليَّ من زماااااااااااااااااان من قبل فترة الإنقطاع

تاج بعته لي في نفس اليوم اثنين من حبايبي المدونات epitaph و Thoughts of the Thought-Less. و التاج دا عبارة عن قوائم عن أكثر من حاجة و كل قائمة تتكون من 8 بنود.

بصراحة على قد ما التاج دا يبان سهل على قد ما كان من أصعب الحاجات اللي جاوبت عنها

و بعد التاج لينا كلام

حسبنا الله و نعم الوكيل

أكيد كلنا مرتبط في ذهننا تلاوة القرآن بصوت أحد شيوخنا العظام و الذين يعتبروا رموز للقرآن الكريم في بلدنا زي الشيخ الحصري و الشيخ الطبلاوي و الشيخ محمد رفعت و غيرهم كثير و كثير خايفة اني أعدد أسمائهم لا أنسى حد منهم

كلهم شخصيات في الحقيقة تستحق عظيم التقدير و الإحترام و أصوات من أجمل ما يكون في تلاوة القرآن حتى ان الواحد لما بيسمعهم بيحس بحالة من السلام النفسي و بتوصل كلمات القرآن و اضحة و مخارج الألفاظ مفهومة و دا في حد ذاته بيساعد على تدبر القرآن و التفكير في معانيه لو انك مركز تركيز تام و كامل مع التلاوة

بالأمس كنت بتفرج على برنامج الطبعة الأولى على قناة دريم 2 و المذيع قال خبر انه في ضجة قائمة على كليب صوتي فيه تقليد لشيوخنا العظام دول و الحقيقة انه التقليد دا بتريقة و إستهزاء و انه في ضجة كبيرة جداً على الموضوع و اتصل بالشيخ الطبلاوي و سأله عن حقيقة الموضوع و الشيخ الطبلاوي شغل الكليب الصوتي دا و سمعته و ذهلت و غضبت و تأثرت لدرجة اني كنت هبكي من الألم.

الكليب عبارة عن صوت لشخص في الغالب هو شاب صوته مايدلش على انه كبير في السن و الأستاذ عامل نكتة على ان الشيوخ دول راكبين أتوبيس أو ميكروباص و مدي لواحد منهم دور السائق و لآخر دور الكمسري و لآخرين دور الركاب و بيقلد أصواتهم في حوار ما بين السواق و الكمسري و الركاب و مين دفع و مين ما دفعش و مين نازل المحطة الجاية و كلام فاضي

المصيبة انه مش بس بيقلد صوتهم لا دا بيقول الكلام بطريقة تلاوة القرآن الكريم. و زي ما قال المذيع طريقة التلاوة دي هي طريقة تلاوة حصرية للقرآن الكريم مش لأي قراءات أو كلام آخر

كنت هتجنن الكارثة انه بياكل الكلام و لو حد مش مركز و هو بيسمع مش هعيرف يفسر الكلام و ممكن يفتكره قرآن

يعني أنا نفسي أسأل الكائن دا و اللي ما يستحقش اني أقول عليه بني آدم و لا حتى حيوان لإن حتى الحيوانات ما تعملش كدا، نفسي أسأله هي المواضيع اللي ممكن تهزر فيها خلاص خلصت و مافضلش غير القرآن و الشيوخ الذين يتلون القرآن و اللي احنا بنعتبرهم رموزه

خلاص قلة الأدب و قلة الإحترام و عدم التربية وصلت بينا للدرجة دي حتى القرآن مالوش قدسية عنده و عند أمثاله

دا لا يمكن يكون لاقى أي نوع من أنواع التربية من أصله

الحقيقة أنا مش قادرة أحكم واحد زي دا المفروض يتعمل معاه ايه.

الشيخ الطبلاوي بيقول انه فيه بلاغ للنيابة و ان الأزهر متبني الموضوع و انه هيتحول لقضية بس كل الكلام بيدور في إطار ان اللي حصل دا من قبيل السب العلني للشيوخ و طبعاً البلاغ في النيابة و القضية هيردوا للأموات منهم رحمة الله عليهم و الأحياء حقهم و هيبتهم لا الكائن دا و لا غيره يقدر يمسها لإن مكانتهم عندنا كلنا معروفة

لكن أنا اللي واجع قلبي طيب و القرآن طبعاً ربنا قادر يورينا فيه من معجزاته جزاء على الإستهزاء دا بس نفسي أعرف هيحاسبوه ازاي على الكلام دا؟

الحقيقة أنا مش عارفة و صعبان عليَّ جداً اللي بيحصل دا

صعبان عليَّ إننا وصلنا للدرحة دي من الإنحدار و إنعدام الأخلاق و الدين

الله لا يسامحه أبداً و يورينا فيه من معجزاته و يسامح أهله اللي كانوا السبب في إن شخص بالمنظر دا يتوجد في الحياة

مش عارفة أقول أكثر من

حسبنا الله و نعم الوكيل

لا تحزن على ما لا تملك

قدم رجل لشركة مايكروسوفت للعمل بوظيفة - فراش - بعد إجراء المقابلة والاختبار ( تنظيف أرضية المكتب )، أخبره مدير التوظيف بأنه قد تمت الموافقة عليه وسيتم إرسال قائمة بالمهام وتاريخ المباشرة في العمل عبر البريد الإلكتروني.

أجاب الرجل: ولكنني لا أملك جهاز كمبيوتر ولا املك بريد إلكتروني! رد عليه المدير ( باستغراب ): من لا يملك بريد إلكتروني فهو غير موجود أصلا ومن لا وجود له فلا يحق له العمل.

خرج الرجل وهو فاقد الأمل في الحصول على وظيفة فكر كثيراً ماذا عساه أن يعمل وهو لا يملك سوى 10 دولارات. بعد تفكير عميق ذهب الرجل إلى محل الخضار وقام بشراء صندوق من الطماطم ثم اخذ يتنقل في الأحياء السكنية ويمر على المنازل ويبيع حبات الطماطم. نجح في مضاعفة رأس المال وكرر نفس العملية ثلاث مرات إلى أن عاد إلى منزله في نفس اليوم وهو يحمل 60 دولار.

أدرك الرجل بان يمكنه العيش بهذه الطريقة فاخذ يقوم بنفس العمل يوميا يخرج في الصباح الباكر ويرجع ليلا ، أرباح الرجل بدأت تتضاعف فقام بشراء عربة ثم شاحنة حتى أصبح لدية أسطول من الشاحنات لتوصيل الطلبات للزبائن.

بعد خمس سنوات أصبح الرجل من كبار الموردين للأغذية في الولايات المتحدة. لضمان مستقبل أسرته فكر الرجل في شراء بوليصة تأمين على الحياة فاتصل بأكبر شركات التأمين وبعد مفاوضات استقر رأيه على بوليصة تناسبه فطلب منه موظف شركة التأمين أن يعطيه بريده الإلكتروني!! أجاب الرجل: ولكنني لا املك بريد إلكتروني!

رد عليه الموظف (باستغراب): لا تملك بريداً إلكترونيا ونجحت ببناء هذه الإمبراطورية الضخمة؟؟!! تخيل لو أن لديك بريداً إلكترونيا! فأين ستكون اليوم؟

أجاب الرجل بعد تفكير:'' فرّاش في شركة مايكروسوفت"

'العبرة :لا تحزن على مالا تملك .. فربما لو كان عندك لكان سبب حزن أكبر

ســــــر السعـــــــــادة

كانت هناك حجرة صغيرة فوق سطح أحد المنازل عاشت فيها أرملة فقيرة مع طفلها الصغير ...

حياة متواضعة في ظروف صعبة.. إلا أن هذه الأسرة الصغيرة، ليس أمامها إلا أن ترضى بقدرها

لكن أكثر ما كان يزعج الأم هو المطر في فصل الشتاء .. لكون الغرفة تحيطها أربعة جدران ولها باب خشبي غير أنه ليس لها سقف

مر على الطفل أربعة سنوات منذ ولادته لم تتعرض المدينة خلالها إلا لزخات متقطعة من المطر،

وذات يوم تراكمت الغيوم وامتلأت السماء بالسحب الكثيفة الواعدة بمطر غزير .

ومع ساعات الليل الأولى هطل المطر بغزارة على المدينة فاختبأ الجميع في منازلهم، أما الأرملة والطفل فكان عليهما مواجهة قدرهما

نظر الطفل إلى أمه نظرة حائرة واندسّ في حضنها ولكن جسد الأم والابن وثيابهما ابتلا بماء السماء المنهمر...

أسرعت الأم إلى باب الغرفة فخلعته ووضعته مائلاً على أحد الجدران , وخبّأت طفلها خلف الباب لتحجب عنه سيل المطر المنهمر....

فنظر الطفل إلى أمه في سعادة بريئة وقد علت وجهه ابتسامة الرضى وقال لأمه: ترى ماذا يفعل الفقراء الذين ليس عندهم باب حين ينزل عليهم المطر ؟

لقد أحس الصغير في هذه اللحظة أنه ينتمي إلى طبقة الأثرياء .. ففي بيتهم باب..

ما أجمل الرضى.... إنه مصدر السعادة وهدوء البال

يقول ابن القيم عن الرضى: هو باب الله الأعظم ومستراح العابدين وجنة الدنيا. الحمد لله الذي عافانا وأهلينا مما ابتلى به غيرنا وفضلنا على كثير من خلقه

I can't belive it

I read about this quiz in Thoughts of thoughtless blog so I decided to take the quiz just for fun & personally I couldn't belive that just picking the colors will lead to this.

The results are true to a big extent.

Try it yourself & you'll see.

Fairouz Galal took the free ColorQuiz.com personality test! ""Longs for a loving, caring, and supportive relati..." Click here to read the rest of the results.

Fairouz Galal's Existing Situation

"Very emotional and artistic, enjoys being surrounded by beauty and art. Looking for a partner who always has an eye for beauty and who enjoys close, loving relationships."

Fairouz Galal's Stress Sources

"Unfulfilled hopes have left her feeling uncertain and even a little fearful about the future. Needs to feel secure and avoid further disappointment; fears she will be looked over, lose her position, or lose respect. Has little hope that things will get better in time and her negative attitude leads her to place impossible demands on others or to compromise or bargain."

Fairouz Galal's Restrained Characteristics

"Current situation makes her feel unable to prove himself, but tries to make the best of things."

Feels trapped in a helpless situation and is desperately seeking relief. she is able to find pleasure and happiness in sexual activity.

"Feels trapped in a helpless situation and is desperately seeking relief. she is able to find pleasure and happiness in sexual activity, as long as there is not a lot of conflict or emotional difficulty."

Feels as if too many walls and obstacles are standing in her way and that she is being forced to make compromises. she needs to put her own needs on hold for the time being.



Fairouz Galal's Desired Objective

"Longs for a loving, caring, and supportive relationship, and fanaticizes of living in perfect harmony with others. Has a strong desire for tenderness and affection and enjoys things which are artistically pleasing to the eye."

Fairouz Galal's Actual Problem

"Is disappointed and let down, feels there is no point in making new goals as they will leave her feeling the same way. Looking for friendly, pleasant relationships with others, who will further develop her intellect. she tries to escape into a fantasy world where things go her way and her desires are easier to reach."

A Lion's affection

After Seeing this video I couldn't help saying to myself

"Many Persons whom we met and are part of our lives don't have the Loyalty & affection that this Lion has"

Effective Communication..!!

A blind boy sat on the steps of a building with a hat by his feet. He held up a sign which said: 'I am blind, please help.' There were only a few coins in the hat.

A man was walking by. He took a few coins from his pocket and dropped them into the hat.

He then took the sign, turned it around, and wrote some words. He put the sign back so that everyone who walked by would see the new words.

Soon the hat began to fill up. A lot more people were giving money to the blind boy.

That afternoon the man who had changed the sign came to see how things were. The boy recognized his footsteps and asked, 'Were you the one who changed my sign this morning? What did you write?'

The man said, 'I only wrote the truth. I said what you said but in a different way.'

What he had written was: 'Today is a beautiful day and I cannot see it.'

Do you think the first sign and the second sign were saying the same thing? Of course both signs told people the boy was blind. But the first sign simply said the boy was blind. The second sign told people they were so lucky that they were not blind. Should we be surprised that the second sign was more effective?

Moral of the Story: Be thankful for what you have. Be creative. Be innovative. Think differently and positively.

Invite others towards good with wisdom. Live life with no excuse and love with no regrets.

When life gives you a 100 reasons to cry, show life that you have 1000 reasons to smile.

Face your past without regret. Handle your present with confidence. Prepare for the future without fear.. Keep the faith and drop the fear.

Great men say, 'Life has to be an incessant process of repair and reconstruction, of discarding evil and developing goodness In the journey of life, if you want to travel without fear, you must have the ticket of a good conscience.'

The most beautiful thing is to see a person smiling!! And even more beautiful is, knowing that you are the reason behind it!!!

حديث قدسي أنا عن نفسي قرأته فأدمعت عيني واستحيت من ربي

تتجلى عظمة الخالق... في الحديث القدسي الشريف

قال سبحانه وتعالى:

يا ابن آدم جعلتك في بطن أمك. وغشيت وجهك بغشاء لئلا تنفر من الرحم ..

و جعلت وجهك إلى ظهر أمك لئلا تؤذيك رائحة الطعام ..

و جعلت لك متكأ عن يمينك و متكأ عن شمالك

فأما الذي عن يمينك فالكبد..

و أما الذي عن شمالك فالطحال ..

و علمتك القيام و القعود في بطن أمك ..

فهل يقدر على ذلك غيري ؟؟

فلما أن تمّت مدتك وأوحيت إلى الملك بالأرحام أن يخرجك فأخرجك على ريشة من جناحه.

لا لك سن تقطع ...

و لا يد تبطش....

و لا قدم تسعى ..

فأنبعث لك عرقين رقيقين في صدر أمك يجريان لبنا خالصا. حار في الشتاء و باردا في الصيف .

و ألقيت محبتك في قلب أبويك.

فلا يشبعان حتى تشبع ...

و لا يرقدان حتى ترقد ....

فلما قوي ظهرك و أشتد أزرك ..

بارزتني بالمعاصي في خلواتك و لم تستحيي مني .

و مع هذا إن دعوتني أجبتك..

و إن سألتني أعطيتك..

و إن تبت إليَّ قبلتك.

عيد النظافة المصري يوم 10 أبريل

عيد النظافة المصري يوم 10 أبريل. أطلق المبادرة دي على الفيس بوك شاب لا أعرف عنه أكثر من إسمه الموجود كمؤسس لهذا الحدث.

كان ليَّ فترة و أنا بفكر ليه احنا ما نحاولش نغير من واقعنا و من المشاكل و الفساد اللي بنقابلهم في حياتنا بدل ما نفضل نلعن الظروف و الحكومة و غيره و غيره.

و في وسط دا كله عرفت من زوجي عن هذه المبادرة و قلت ما شاء الله لسا في شباب بيفكروا و بيحبوا بلدهم و بيحلموا يشوفوها أحسن بلاد الدنيا.

مش هفكركم بإن النظافة من الإيمان و ان ديننا و رسولنا بيحثونا على النظافة لإن أكيد كلنا فاكرين دا كويس. لكن هقول إن النظافة مش بس نظافة بيوتننا و مكاتبنا و نظافة أنفسنا. النظافة هي نظافة كل شئ حوالينا

تعالوا نتبع سنة رسولنا لما قال إماطة الأذى عن الطريق صدقة. تعالوا نخلق شكل حضاري كلنا نتمنى نعيش فيه تعالوا مش بس يوم 10 أبريل نساهم في نظافة عمارتنا و شارعنا و مانستناش الحي و الحكومة ينظفوا لنا

تعالوا نخلق جوا ولادنا انه عيب و حرام نرمي ورقة في الشارع و كل أم و هي خارجة مع أولادها تحط في شنطتها كيس بلاستيك نرمي فيه القمامة لحد ما نقابل سلة مهملات أو لحد ما نرجع بيتنا و نتأكد ان أولادنا الصغيرين دول لو اتربوا على الأخلاقيات دي هتنغرس جواهم و عمرهم ما هيتخلوا عنها و هيكونوا هم نواة لمجتمع متحضر

تعالوا ما نستسلمش للإحباط زي ما قرأت تعليقات على هذه المبادرة على الفيس بوك بتحاول تجهض المبادرة الجميلة دي بأنها تقول انه مفيش أمل و انه مفيش حد هيستجيب و انه مفيش حاجة هتتغير

تعالو نبدأ بأنفسنا و بأننا ننشر الموضوع بين كل اللي حوالينا من أهلنا لجيراننا لزملائنا في العمل لأصدقائا لمعارفنا لكل اللي نعرفهم في حياتنا.

و تأكدوا لو كل واحد نشر الموضوع دا بين 10 بس من اللي يعرفهم و أقنعهم يكون لهم دور هنكون حشد كبير جداً بيقوم بدور رائع

دا الرابط الخاص بالمبادرة على موقع الفيس بوك
http://www.facebook.com/group.php?gid=22154619979

و ربنا يقدرنا و نقدر نعمل حاجة محترمة لنفسنا و لبلدنا

Peace

After a long time from hesitation & instability finally I feel so peaceful.

Feels Peace inside & outside.

Thanks to Allah the all Merciful.

Longing

Just, I miss such moments. Yes but the right words to describe what I feel is that I long to these moments.

The life consumed us & took us between its wheels & we have no time for such relaxation.

I hope we will have a nice vacation with such relaxation evenf if for 2 or 3 days.

I think it will make all the difference in our life.

و أخيراً

و أخيراً بالمكتبات الكتاب الثاني لحبيبة قلبي كراكيب إسم الكتاب (نامت عليك حيطة) و هو كتاب تأليفه مشترك بينها و بين الكاتب محمد فتحي

طبعاً أنا متخيلة من الفكرة اللي أخذتها عن الكتاب من العزيزة كراكيب انه هيطلع كتاب حلو جداً و مختلف جداً

ألف مبروك يا نونا و عقبال الكتاب الـ 100 إن شاء الله و أهنيكي هنا برضه عليه

حفل توقيع الكتاب هيكون
في مكتبة البلد
يوم الإثنين الموافق 23 فبراير 2009
الساعة 7 مساءاً

طبعاً ساحرتي نونا الشعنونة (زي الشخصية الموجودة في مجلات ميكي و اللي ساعات كتير بشوف نونا حبيبتي تشبهها) ماقالتليش على ميعاد حفلة التوقيع و لا عبرتني لكن أنا عرفت من مدونة حبيبتي و أختي الصراحة ربنا يخليكي ليا يا شوشو و لا يحرمنيش منك أبداً دايماً كدا مخليانا مطلعين على الأحداث الجارية

مرة تانية ألف مبروك يا نهى و من نجاح لنجاح إن شاء الله

على فكرة اللي عايز يشتري الكتاب هيلاقيه في المكتبات دي

دار ميريت - شارع قصر النيل

مكتبة ديوان - الزمالك
مكتبة عمر بوك ستور
مكتبة البلد

Advertisment on MSN today

Description
Limited-time triple offer: Buy 12 Roses, get 6 FREE*, plus a FREE* vase and chocolates with purchase!
Add some color to your Valentine's world with this spectacular bouquet of magnificent multicolored roses! Order 12 roses today and for a limited time, get 6 FREE*, plus a FREE* red glass vase and FREE* Fannie May® chocolates with purchase!
18 long-stem multicolored roses (Buy 12 and get 6 FREE*)
FREE* red tapered glass vase; measures 9"H x 4.3"D
FREE* 4 oz. heart-shaped box of assorted Fannie May® chocolates; measures 1.12"H x 5"W x 4.75"L
Picked at the peak of perfection and delivered fresh to their door
Shipped overnight to ensure freshness

What's The Story?

The color of a rose can signify many different things. Yellow roses are given as a sign of friendship while white roses signify loyalty; pink signifies grace and gentility; and purple roses are a symbol of majesty and enchantment

The above offer was on the MSN website today with the photo.

Any one remind me please, what did he buy & paid for from the begining :D? All these free gifts?

I think they are sensitive people remembering the valentine knowing the value of LOVE & of Symboling their LOVE & feelings with the presents they get for each other.

Please Don't forget to Say I love you & to get Valentine's presents this year.

A Surprise that made my day.

Yes it is really a surprise that made my day. Even though there was another post which I intended to publish but I found myself just writing this one.

My dearest friend & my most cherished friend is ENGAGED.

Horrrrrrrrrrrrayyyyyyyyyyy

Next April it'll be 2 years since we firstly knew each other.

She is a very nice & beautiful person inside & outside. Although tough in her work but beneath under this there are no words to describe her personal beauty.

Today I knew that the yesterday at night she had been engaged since I knew I went like crazy.

I forgot my mobile at home today & I really was crazy that I can't call her to hear all the details & says to her congratulations & see what I can do to help in any preparations & such things.

Really I couldn't do anything or think in anything till I borrowed a mobile & talked to her.

The happiness in her voice, the surprise of how quick everything happened, her words describing her nice man, everything made me soooooooooooooo happy for her & I wished if I can see her in that particular moment to hug & kiss her.

Lovable sister please know that you are a very good person & I'm sure that Allah blessed you with a person who couldn't be less good. I'm sure that In Shaa Allah he'll be the most good & kind husband for you & that he deserves you & will take good care of you.

Even there is a tear in my eye now.

I know that may be my words are spontaneous & not planned but that is how & what I feel.

Lovable sister, please please be happy & enjoy every moment of your life.

See you soon.

شاهد عيان

الموضوع اللي هكتب عنه دا من المواضيع اللي تسببت لي في حالة إكتئاب بل كان السبب الرئيسي في حدوث حالة إكتئاب شديدة لي.

من حوالي أسبوعين أو ثلاثة أسابيع مش فاكرة بالضبط عرف زوجي ان مجلس الأمناء في المدينة عندنا بيلم تبرعات علشان اخواننا في غزة و انهم هيبعتوا التبرعات دي فور جمعها و كانوا محددين مدة زمنية معينة لجمع التبرعات.

طبعاً زوجي تحمس جداً و قال "أنا نفسي أروح مع العربيات لغزة و أشوف اخواتنا هناك و أساعدهم بأي حاجة و يا سلام لو شفت جندي إسرائيلي أنا مش عارف ساعتها أنا ممكن أعمل ايه بس اللي يقدرني عليه ربنا ساعتها هعمله"

و بصراحة أنا شجعته جداً و كان نفسي لو أنا كمان أقدر أروح معاه بس كنت عارفة ان دا ماينفعش.

فضلنا طول الوقت بنفكر ايه أسوأ الفروض اللي ممكن تحصل. و قلنا انهم ممكن يوقفوهم عند رفح و يمنعوهم من دخول غزة و دا كان أسوأ ما افترضناه.

لكن اللي حصل كان أسوأ من كل توقعاتنا.

للأسف هم منعوهم من دخول رفح من أساسه و أوقفوهم في العريش. الكارثة الأكبر من كدا انهم اتفاجأوا ان معبر رفح مغلق من أكثر من أسبوعين و لم يتم فتحه نهائياً خلال هذه المدة و انه ممنوع مرور أي تبرعات منه ما عدا التبرعات الطبية فقط. غريييييييييييييييييييبة أمال ايه الكلام اللي مغرق الأخبار و الجرائد المصرية اللي بيقول انه المعبر مفتوح و الحياة زي الفل.

المهم، طيب و العمل يا رجالة هنعمل ايه في التبرعات اللي معانا؟ موظفين الهلال الأحمر قالوا لهم أمامكم حل من اثنين يا إما تسيبوا التبرعات هنا في استاد العريش لحد ما المعبر يتفتح و احنا هندخلها يا إما تفضلوا قاعدين مع التبرعات بتاعتكم لحد ما المعبر يتفتح و تدخلوها بنفسكم.

طيب و المعبر هيتفتح امتى يا رجالة؟ الله أعلم دي تساهيل بتاعت ربنا.

طيب مفيش حل ثالث؟ آه في. واحد منكم ينزل القاهرة و يعمل بوليصة تصدير للتبرعات دي و تدخلوها من معبر العوجة و المعبر دا على الطرف الثاني منه إسرائيل هتدفعوا رسوم جمركية للحكومة الإسرائيلية و همَّ بقى يبقوا يوصولوها غزة دا لو اتوافق على مواصفات الباليتات اللي محطوط عليها البضاعة دي و هي إن ارتفاعها ما يزيدش عن متر واحد فقط و وزنها ما يزيدش عن طن واحد فقط و دا طبعاً مش حاصل و لو انه حاصل يا حليلة يا حليلة هنسلم التبرعات للإسرائيلين لا و ايه كمان ندفع لهم جمارك؟؟!!

لا حول و لا قوة إلا بالله و حسبنا الله و نعم الوكيل

طيب كفاية كدا؟؟ لا مش كفاية و لا حاجة يا ما لسا في الجراب يا حاوي

كان في عربيات تبرعات من بلاد كتير واقفة عند المعبر مستنية انه يتفتح علشان يدخلوا التبرعات اللي معاهم غزة زي العربيات اللي جايبة تبرعات من سويسرا و اللي كانت واقفة بقالها أسبوعين أو أكتر و حتى لا يملكوا رفاهية اتخاذ القرار بترك التبرعات في استاد العريش لموظفي الهلال الأحمر لانه مابقاش في مكان في الاستاد و هم مش راضيين يرموا التبرعات اللي معاهم كدا و خلاص على الأكوام اللي موجودة.

و الدولة الوحيدة اللي بعتت تبرعات و ماوفقتش و لا حتى ساعة واحدة و اتفتح لها المعبر مخصوص و دخلت غزة هي فرنسا و اللي علشان تبرعاتها السفير الاسرائيلي كلم المسئولين في حكومتنا المصرية و أمرهم يفتحوا المعبر لدخول التبرعات الفرنسية و قد كان و ما وقفتش التبرعات الفرنسية و عدت فوراً و دا عن لسان موظفي الهلال الأحمر برضه

زوجي بيحكي لي انه في أربع نقاط في العريش بيتم "رمي" التبرعات فيها. آه و الله الوصف اللي اتوصف لي ما ينفعش يتقال عليه أقل من ان التبرعات بتترمي و على رأي زوجي ما اسمهاش نقاط حفظ التبرعات و انما الاسم الأنسب هو مقالب القمامة. المهم يعني الأماكن دي من ضمنها استاد العريش و مركز شباب العريش و مكانين كمان مش فاكراهم و الأماكن دي ممتلئة عن آخرها

الأرز فوق المكرونة فوق الزيت فوق الصابون كله عجينة على بعضه. و المسئول الوحيد عن اتخاذ قرار ايه يتحط فوق ايه هو سائق الفوركليفت (الونش) اللي بيفرغ البضاعة من على العربيات.

الأدهى بقى انه حتى قرار انهم يرجعوا بالتبرعات اللي معاهم لحد ما فرج ربنا يحصل غير متاح ممنووووووووووووووووع

المهم انهم في النهاية قرروا ينزلوا التبرعات اللي معاهم و يسيبوها لموظفي الهلال الأحمر و اللي بيمضوا على أي حاجة تكتبها بنفسك في الايصالات ماحدش بيبص و لا حد بيراجع

طول الليل بقى و هم بيفرغوا العربيات اللي معاهم كانوا بيسمعوا حكايات من موظفي الهلال الأحمر عن التبرعات اللي بتيجي الفترة اللي فاتت.

حكوا لهم عن دولة السعودية التي أرسلت تبرعات عبارة عن مواد غذائية و من ضمنها حلويات للأطفال و لما وجدوا المعبر مغلق و ميعاد فتحه غير معلوم، الحكومة السعودية رفضت انها تسيب عربياتها تنتظر و أمرتهم يفرغوا العربيات و يسيبوا محتوياتها هدية لأهل العريش. يا سلاااااااااااااااام طيب شكراً كتر ألف خيركم و الله احنا مش عارفين كنا هنعمل ايه من غير حلوياتكم. المشكلة مش في كدا المشكلة ان المواد الغذائية كان تاريخ صلاحيتها منتهي من أكتوبر 2007.

أما بقى دولة قطر الشقيقة فكانت باعتة معونات طبية صلاحيتها منتهية من 7 شهور.

حسبنا الله و نعم الوكيل هو دا اللي ربنا قدركم عليه؟؟!! تتاجروا بآلام اخواتكم اللي بيموتوا و يتدبحوا قدام عينيكم كل يوم؟؟!!

مش كفاية انكم شايفينهم بيموتوا بالعشرات و المئات كل يوم و ساكتين؟ كمان بتكملوا عليهم و بايديكم؟ طيب هتقولوا لربنا ايه؟؟!!

كفاية كدا؟؟!! لا لسا كمان.

طول الليل كان زوجي عمال يقول لي على التليفون ان المعبر مقفول و تاني يوم الصبح في جريدة الأهرام مكتوب في الصفحة الأولى خبر بيقول انه معبر رفح مفتوح و انه في خلال الأسبوعين اللي فاتوا دخل تبرعات تتعدى الاثنين مليون طن مع العلم انه موظفين الهلال قالوا انه المعبر لم يتم فتحه نهائياً من أكثر من أسبوعين لا و الأكثر من كدا انه كمالة الخبر في جريدة الأهرام بتقول انهم هيقفلوا المعبر بعد يومين من تاريخ نشر الخبر.

آه طبعاً كتر ألف خيرهم ما هم سايبين المعبر مفتوح له مدة طويلة و عدى منه تبرعات قد 2 مليون طن كدا في أسبوعين و كفاية كدا بقى هيقفلوه. و النبي مش مكسوفين من الكذب دا؟

و الشعب المصري مغيب تماماً و مصدقين اللي بيسمعوه و اللي بيشوفوه و بيتسابقوا مشكورين على لم التبرعات علشان اخواتنا في غزة.

أنا بناشد كل حد يقرأ كلامي دا بالله عليكم ما تشاركوش في لم تبرعات لغزة علشان مفيش حاجة بتوصل لغزة كله بيترمي في مقلب التبرعات في العريش و دا من شاهد عيان هو زوجي شاف الكلام دا بعينيه و سمعه بودانه من موظفين الهلال الأحمر فحرام علينا نشارك في السفه دا طالما علمنا بحقيقة الوضع ربنا هيحاسبنا. و يار ريت ما تكتفوش بانكم ما تشاركوش في لم التبرعات أو في التبرع يا ريت لو تنقلوا الموضوع دا لكل اللي تعرفوهم علشان حرام بجد التفريط في النعمة بالشكل دا

المحتاجين في مصر كتير نروح نساعدهم و اخواتنا في غزة لهم الله هو ناصرهم إلى أن ربنا يسهل لنا و يفرجها علينا بمنة من عنده تاخد حكامنا اللي ذلونا و قتلوا اخواتنا و بيقتلونا احنا كمان بسكينة تلمة و ببطء

حسبنا الله و نعم الوكيل. حسبنا الله و نعم الوكيل. حسبنا الله و نعم الوكيل

نرى الأمل في كل مكان

بقالي كام يوم كدا قد 10 أيام أو أسبوعين مابشفش مجموعة قنوات الـMBC و لا الأفلام الأجنبية اللي بحبها و النهاردة بالصدفة و دون سابق ترتيب قررت اني أقلب في القنوات و عديت على قناة الـMBC MAX و كان في فيلم أجنبي بيخلص قلت أستنى يمكن اللي يجي بعده يكون فيلم كويس أشوفه

بس هم ماجابوش فيلم جابوا فيلم تسجيلي قصير اسمه "نرى الأمل في كل مكان" و بصراحة كان عن قصة تبعث فعلاً على الأمل و تحفيز القدرات البشرية بشكل كبير جداً

الفيلم كان عن بنت فلسطينية اسمها "أسماء عبد الحميد" عمرها 28 سنة سافرت إلى الدانمارك في التسعينات مع والدتها و لحق بهما والدها بعد 8 شهور.

عملت في المجال السياسي و إنضمت إلى حزب الوحدة اليساري و هي نشطة جداً في العمل السياسي و حصلت على الجنسية الدانماركية. أسماء محجبة و حجابها غاية في الجمال و لا تضع أي ماكياج على الاطلاق كم نراها في الصورة
المهم هي نشطة جداً في الحزب و لها دور رائع في دعم المسلمين و في الترويج للقضية الفلسطينية و دا بان من بعض الصور اللي عرضوها لمؤتمرات أسماء عملتها في الدانمارك

و بعدين إثر أحداث نشر صور مسيئة للرسول قناة تليفزيون حكومية قررت أنها تقدم برنامج يناقش هذا الموضوع في أكثر من حلقة كما يناقش موضوعات أخرى تخص المسلمين و تقوم فكرة البرنامج على وجود مذيع دانماركي و هو علماني و كانوا يريدون معه مذيع مسلم و يكون إسمه محمد و لكن الظروف عرفتهم بأسماء و دا زي ما قال مخرج البرنامج كان أبعد ما يكون عن تصوره و خاصةً انها محجبة

طبعاً عملها كأول مذيعة مسلمة و محجبة في التليفزيون الدانماركي و كمان الحكومي أثار ضجة كبيرة جداً

و لكن أسماء بحضورها الطاغي و موضوعيتها كونت جماهيرية شديدة جداً و نجحت جداً جداً لدرجة إن حزب الوحدة الذي تنتمي له رشحها لتكون عضوة في البرلمان عن الحزب و هنا قامت الدنيا و لم تقعد إزاي يعني عضوة في البرلمان الدانماركي مش مسلمة لا و محجبة كمان

دي بعض المقالات اللي اتكتبت عن أسماء في مواقف مختلفة و لكن لحد فترة اقتراح ترشيحها لتكون عضوة في البرلمان

http://www.alarabiya.net/articles/2007/04/29/33976.html

http://news-all.com/sys.php?name=sanc&file=topic&sid=14809

http://www.islamonline.net/arabic/news/2006-04/05/article12.shtml

http://www.commongroundnews.org/article.php?id=2717&lan=ar&sid=1&sp=0

لكن الفيلم التسجيلي اتعمل بعد كل تواريخ المقالات دي و فيه تحديث كبير لآخر الأخبار. أسماء بتقول انه قبلت التحدي و وقفت أمام كل الحروب و المعارضات و فاجأت نفسها قبل أن تفاجئ حزبها بعدد الأصوات التي استطاعت الحصول عليها و نجحت في الوصول إلى البرلمان كنائبة احتياط

و لكنها لم تسكت و لم تكتفي و الحق ان الحكومة الدانماركية أقرت أن كل من يعارض وجود أسماء تحت قبة البرلمان الدانماركي ليس على الحق فطالما أن أسماء انتخبت من الشعب الدانماركي فمن حقها أن تكون نائبة في البرلمان تعرض مشاكلهم و تدافع عن حقوقهم بغض النظر عن دياناتها و عن حجابها

و قد كان و أصبحت أسماء نائبة أساسية في البرلمان الدانماركي

بصراحة أنا طول ما كنت بتفرج على الفيلم التسجيلي كنت مبهورة. مبهورة بحاجات كثييييييييييييييييييييرة قوييييييييييييييييييييي.

أولها طبعاً إصرار و عزيمة أسماء. إنسانة عندها هدف و هو أن تنصر دينها و تعبر عنه أفضل تعبير و لا تتخلى عن مبادئها و عن تنفيذ تعاليم دينها و أوامر ربها

عندها هدف أن تدافع عن وطنها و تحاول مساعدته بك الطرق. و دا مش موجود عند أغلب المسلمين و العرب الرجال قبل النساء

كمان حاجة بهرتني هي دولة الدانمارك نفسها كحكومة و كشعب. طبعاً أنا مش طايقاهم من ساعة موضوع الصور المسيئة للرسول و لكن على الرغم من قبحهم إلا أنهم نوع و قدر من الحرية بهرني و حسدتهم عليها.

كدا بتتقدم الشعوب. كدا بيكون الانسان حر.

بارك الله فيكي يا أسماء. ربنا يقدرك على إكمال رسالتك و يقدرك على المزيد و المزيد.

يا رب قدرني أعمل و لو واحد على عشرة من اللي هي عملته و بتعمله علشان أنصر ديني و عروبتي.

يا رب ارحمنا من حكوماتنا و رؤاسائنا و ارزقنا الحرية إذا كنا نستحقها