عيد النظافة المصري يوم 10 أبريل. أطلق المبادرة دي على الفيس بوك شاب لا أعرف عنه أكثر من إسمه الموجود كمؤسس لهذا الحدث.
كان ليَّ فترة و أنا بفكر ليه احنا ما نحاولش نغير من واقعنا و من المشاكل و الفساد اللي بنقابلهم في حياتنا بدل ما نفضل نلعن الظروف و الحكومة و غيره و غيره.
و في وسط دا كله عرفت من زوجي عن هذه المبادرة و قلت ما شاء الله لسا في شباب بيفكروا و بيحبوا بلدهم و بيحلموا يشوفوها أحسن بلاد الدنيا.
مش هفكركم بإن النظافة من الإيمان و ان ديننا و رسولنا بيحثونا على النظافة لإن أكيد كلنا فاكرين دا كويس. لكن هقول إن النظافة مش بس نظافة بيوتننا و مكاتبنا و نظافة أنفسنا. النظافة هي نظافة كل شئ حوالينا
تعالوا نتبع سنة رسولنا لما قال إماطة الأذى عن الطريق صدقة. تعالوا نخلق شكل حضاري كلنا نتمنى نعيش فيه تعالوا مش بس يوم 10 أبريل نساهم في نظافة عمارتنا و شارعنا و مانستناش الحي و الحكومة ينظفوا لنا
تعالوا نخلق جوا ولادنا انه عيب و حرام نرمي ورقة في الشارع و كل أم و هي خارجة مع أولادها تحط في شنطتها كيس بلاستيك نرمي فيه القمامة لحد ما نقابل سلة مهملات أو لحد ما نرجع بيتنا و نتأكد ان أولادنا الصغيرين دول لو اتربوا على الأخلاقيات دي هتنغرس جواهم و عمرهم ما هيتخلوا عنها و هيكونوا هم نواة لمجتمع متحضر
تعالوا ما نستسلمش للإحباط زي ما قرأت تعليقات على هذه المبادرة على الفيس بوك بتحاول تجهض المبادرة الجميلة دي بأنها تقول انه مفيش أمل و انه مفيش حد هيستجيب و انه مفيش حاجة هتتغير
تعالو نبدأ بأنفسنا و بأننا ننشر الموضوع بين كل اللي حوالينا من أهلنا لجيراننا لزملائنا في العمل لأصدقائا لمعارفنا لكل اللي نعرفهم في حياتنا.
و تأكدوا لو كل واحد نشر الموضوع دا بين 10 بس من اللي يعرفهم و أقنعهم يكون لهم دور هنكون حشد كبير جداً بيقوم بدور رائع
دا الرابط الخاص بالمبادرة على موقع الفيس بوك
http://www.facebook.com/group.php?gid=22154619979
و ربنا يقدرنا و نقدر نعمل حاجة محترمة لنفسنا و لبلدنا
كان ليَّ فترة و أنا بفكر ليه احنا ما نحاولش نغير من واقعنا و من المشاكل و الفساد اللي بنقابلهم في حياتنا بدل ما نفضل نلعن الظروف و الحكومة و غيره و غيره.
و في وسط دا كله عرفت من زوجي عن هذه المبادرة و قلت ما شاء الله لسا في شباب بيفكروا و بيحبوا بلدهم و بيحلموا يشوفوها أحسن بلاد الدنيا.
مش هفكركم بإن النظافة من الإيمان و ان ديننا و رسولنا بيحثونا على النظافة لإن أكيد كلنا فاكرين دا كويس. لكن هقول إن النظافة مش بس نظافة بيوتننا و مكاتبنا و نظافة أنفسنا. النظافة هي نظافة كل شئ حوالينا
تعالوا نتبع سنة رسولنا لما قال إماطة الأذى عن الطريق صدقة. تعالوا نخلق شكل حضاري كلنا نتمنى نعيش فيه تعالوا مش بس يوم 10 أبريل نساهم في نظافة عمارتنا و شارعنا و مانستناش الحي و الحكومة ينظفوا لنا
تعالوا نخلق جوا ولادنا انه عيب و حرام نرمي ورقة في الشارع و كل أم و هي خارجة مع أولادها تحط في شنطتها كيس بلاستيك نرمي فيه القمامة لحد ما نقابل سلة مهملات أو لحد ما نرجع بيتنا و نتأكد ان أولادنا الصغيرين دول لو اتربوا على الأخلاقيات دي هتنغرس جواهم و عمرهم ما هيتخلوا عنها و هيكونوا هم نواة لمجتمع متحضر
تعالوا ما نستسلمش للإحباط زي ما قرأت تعليقات على هذه المبادرة على الفيس بوك بتحاول تجهض المبادرة الجميلة دي بأنها تقول انه مفيش أمل و انه مفيش حد هيستجيب و انه مفيش حاجة هتتغير
تعالو نبدأ بأنفسنا و بأننا ننشر الموضوع بين كل اللي حوالينا من أهلنا لجيراننا لزملائنا في العمل لأصدقائا لمعارفنا لكل اللي نعرفهم في حياتنا.
و تأكدوا لو كل واحد نشر الموضوع دا بين 10 بس من اللي يعرفهم و أقنعهم يكون لهم دور هنكون حشد كبير جداً بيقوم بدور رائع
دا الرابط الخاص بالمبادرة على موقع الفيس بوك
http://www.facebook.com/group.php?gid=22154619979
و ربنا يقدرنا و نقدر نعمل حاجة محترمة لنفسنا و لبلدنا
9 comments:
ازيك يا أم هاجر؟
وازى كتكوتك؟
اخباركوا ايه؟
ملكيش حس ولا خبر
فينك بقالك زمان؟
عودا حميدا
بموضوع حلو فعلا ربنا يبارك فيكى
بس نفسى ميكونش ده يوم عشره ابريل بس
انما على طول
انا والله كل يوم وانامروحه من الكليه بيكون نفسى اقوم ادى محاضره عن النظافه فى الباص
بركب اتوبيسات خاصه بالطلبه ودايما وانا مروحه تلاقى البنات والصبيان كله يجيب عصير وشوكلاته وشيبسى وكدهه بس الكارثه يخلصوا ويفتحوا اشباك وطااااخ يرموا من الشباك اى كانت العبوه كنز ... كيس ... معلباتاى حاجه
كتير بحس انى عاوزه انط ورا الحاجات اللى بتترمى دى
و انا قاعده جنب الشباك بمنع حد يرمى من الشباك اللى جنبى
يقولولى نعمل فيها ايه اقلها حطيها فى شنطتك
اخس انهم بيبصولى على انى جايه من كوكب اخر
انا مخصصه جيب فى كل شنطه لقشر اللبان واشوكلاته والبسكوت وكده يعنى
طولت اوى بس اصل حطيتى ايدك على الجرح
حاسه انى قريبا قريبا هفرقع
* حبيبتي وحي القلم:
احنا كلنا الحمد لله بخير. فعلاً أنا غبت فترة طويلة بس غصب عني انتي عارفة بقى مشاغل الحياة بس أنا عندي كام موضوع كدا ناوية أكتب عنهم في دعوة لنكون إيجابيين و بنائين و متفائلين و أتمنى ان كلكم تساعدوني في إننا ننشر المواضيع دي.
طبعاً انتي ليكي حق الطبيعي بقى اننا نكون غير نظاف و الغير طبيعي انك تتطالبي باننا نكون نظاف.
للأسف بقى سلوك. علشان كدا أنا في تدوينتي طلبت من كل أم ترسخ سلوك النظافة لدى أولادها علشان نخلق أجيال جديدة تعرف الصح و في نفس الوقت نشتغل على التوعية بين الناس و الشباب الكبار اللي شبوا على الخطأ.
عارفة بقى؟! المفروض انتي كمان تكتبي عن الموضوع في مدونتك و تحطي روابط المبادرة و الصور الخاصة بها و تطلبي بدورك من كل اللي بيزور مدونتك يعمل هو/ هي كمان كدا لحد ما ننشر الموضوع بين أكبر عدد ممكن.
و تأكدي إذا نجحنا في دا ليوم 10 أبريل هيكون من السهل جداً ان دا يكون سلوك بنمارسه بطبيعية طول السنة لإننا هنكونا خلقنا الوعي.
و الله المستعان.
اسمحيلى يا ام هاجر اعرفك بنفسى انا ام روزا وكل شويه بدخل مدونتك من عند روزاوالحقيقه الوست بتاعك عن يوم للنظافهاوعيد للنظافه شجعنى اشارك براى متواضع لو ان رجال الدين شاركو افى الحمله دى هتبقى ناجحه جدا لاننا جميعا خصوصا اهلنا فى المناطق الشعبيه فى حاجه لمعرفه ان الدين مش صلاه وصيام ولبس معين فقط ولكن سلوك ونظافه وان الشارع جزء من البيت لما يبقى نضيف ده برضه نوع من كف الاذى وان انا لما برمى زباله فى الطريق ده بياذى النلس وده حرمته الاديان وبعدين تفتكروا ننتظر ايه من جيل نشا فى تلال من الزباله عينه اخدت عليهاوياريت علمائنا الافاضل يركزوا شويه على الموضوعات اللى تعديل سلوكنا فى مجالات الحياه المختلفه شكرا لصاحب المبادره وشكرا لكل من سيساهم فى اعاده الجال لوجه مصر سلاملهجوره يارب تكبر تلاقى مصر نضيفه بسلوك اهلها
بوست جميل يا ام هاجر
انا مع وحي القلم في كلامها
يا ريت مايكونش يوم 10 ابريل بس
يا ريت يكون كل يوم
و مايبقاش زي عيد الام
الناس تفضل تتعامل امهاتهم ببرود
و ساعات المتجوزين منهم يزوروها كل فييين و فين
و في عيد الام تلاقي الكل جايب هدايا علشان بقي عادة
و عيب و مايصحش ما يجبش
ربنا يعيننا علي انفسنا
* العزيزة أم روزا:
زيارة حضرتك نورتني و لو انك أول مرة تعلقي عندي. و يا رب دائماً كدا منوراني.
أنا مع حضرتك في كل كلمة قلتيها. النظافة مش بس سلوك حضاري إنما كمان من مبادئ ديننا. و لازم رجال الدين يكون لهم دور و خصوصاً اللي ليهم صدى قوي عند الشباب زي عمرو خالد و غيره و غيره كتير من الموجودين دلوقتي.
و صدقيني حضرتك أنا عندي قناعة إن الشباب دول لما يلاقوا الكبار مهتمين بالموضوع دا و غيره من الموضوعات الأخرى اللي تعتبر في الأساس توجيه سلوك و أخلاقيات هم كمان هيتشجعوا و يتغيروا لإنهم هيبقوا شايفين قدوة يحتذى بها.
أتمنى ربنا يقبل دعائك و هاجر و كل اللي في سنها و أصغر و أكبر من أطفالنا يكبروا يفتحوا عينيهم على بلد نظيفة و جميلة شكلاً و موضوعاً.
* حبيبتي موني:
أنا كمان بدعي معاكي و مع وحي القلم انه مايبقاش مجرد يوم في السنة و احنا و شطارتنا بقى اننا نخلق الوعي عند نفسنا و عند كل اللي حوالينا و نخلي دا سلوك نتبعه طول السنة مش يوم واحد في السنة و يبقى اليوم دا مجرد تذكير لنا علشان ماننساش.
و خصوصاً انه زي ما قالت أم روزا دا من تعاليم ديننا كمان و لازم نفهمه كويس لان الدين مش بس صلاة و صيام و لبس.
ان شاء الله يا روزا
ماهو ان الله لا يغير ما بقوم حتى يغيروا ما بأنفسهم
يا رب اليوم ده يجي الي تلاقي فيه شوارعنا تضيفه مش عشان شركات النضافه بتقوم بواجبها بس لا عشان ده احساس داخلي من الناس نفسها
شكرا على البوست
* روزا:
عوداً حميداً يا روزااااااااااا و أخيراً افتكرتيني؟؟!!
ربنا يتقبل دعاكي و نشوف كلنا اليوم دا
و ربنا يقدرنا نغير ما بأنفسنا اللهم آمين
Post a Comment