دا إسم مسلسل إنجليزي الجنسية (من إنجلترا يعني) و هو مسلسل عن جرائم قتل و ما يطلق عليه باللغة الانجليزية Detective Fiction يعني خيال خاص بالتحقيق في جرائم القتل و هو من نفس نوع الخيال اللي بتنتمي له كل كتابات الروائية الانجليزية برضه أجاثا كريستي و اللي بحبها جداً و بحب أقرأ روايتها الانجليزية مش المترجمة إلى عربي
المسلسل دا لتاني سنة يعرض على قناة الـ MBC4 في شهر رمضان و مدة الحلقة الواحدة ساعة و نصف المسلسل مش بس شدني علشان هو من النوعية اللي أنا بحبها و لكن أنا طول عمري بحب الانجليز و بلدهم
رغم انهم احتلوا بلدنا أطول فترة و عانينا منهم بس أنا مش مكسوفة و أنا بقول اني بحب الشعب الانجليزي و بحب انجلترا و لو لم أكن مصرية لوددت أن أكون إنجليزية
الشعب الانجليزي شعب محترم و مهذب لدرجة تزهق منضبط في مواعيده نظيف لأقصى درجة و دا طبعاً واضح في شوارعهم و بيوتهم و يمكن لاني بحب جو الخريف و الشتاء و لون الأشجار الأصفر و البرتقالي في فصل الخريف مع اللون الأخضر طبعا و بحب الأمطار فجو انجلترا بالنسبة لي هو الجو المثالي
معظم السنة الجو عندهم برد و مطر و ضباب و بيطلق على لندن مدينة الضباب. نرجع بقى للمسلسل هو فيه تشويق و حبكة درامية و في نفس الوقت تسلسل منطقي للأحداث مش بيستهين بعقلية المشاهد و يمكن هو أحسن من كل المسلسلات العربية اللي بتعرض في رمضان السنة دي اللي كلها مملة و ممطوطة
مش عارفة بس أنا يمكن متحيزة علشان أنا كمان بحب الشعب الانجليزي جدا و تعلمت اللغة البريطانية و ليست الأمريكية و بتمنى في يوم أشوف بلدنا جميلة زي بلادهم في نظافتها و تنسيق الخضرة بشكل جمالي مش بشكل عشوائي من باب وجود الخضرة و خلاص زي مدينة العاشر من رمضان اللي أنا عايشة فيها. نفسي نكون مسلمين و عندنا اسلام فنكون مهذبين و منضبطين و بنتقن عملنا و نحافظ على أساسيات الذوقيات و الأخلاق اللي هي من أساسيات ديننا
يللا خليني أتمنى و أدعي اني أكون واحدة من اللي ممكن يحدثوا هذا التغيير ساعتها مش هتمنى اني أكون انجليزية و هكتفي بكوني مصرية
المسلسل دا لتاني سنة يعرض على قناة الـ MBC4 في شهر رمضان و مدة الحلقة الواحدة ساعة و نصف المسلسل مش بس شدني علشان هو من النوعية اللي أنا بحبها و لكن أنا طول عمري بحب الانجليز و بلدهم
رغم انهم احتلوا بلدنا أطول فترة و عانينا منهم بس أنا مش مكسوفة و أنا بقول اني بحب الشعب الانجليزي و بحب انجلترا و لو لم أكن مصرية لوددت أن أكون إنجليزية
الشعب الانجليزي شعب محترم و مهذب لدرجة تزهق منضبط في مواعيده نظيف لأقصى درجة و دا طبعاً واضح في شوارعهم و بيوتهم و يمكن لاني بحب جو الخريف و الشتاء و لون الأشجار الأصفر و البرتقالي في فصل الخريف مع اللون الأخضر طبعا و بحب الأمطار فجو انجلترا بالنسبة لي هو الجو المثالي
معظم السنة الجو عندهم برد و مطر و ضباب و بيطلق على لندن مدينة الضباب. نرجع بقى للمسلسل هو فيه تشويق و حبكة درامية و في نفس الوقت تسلسل منطقي للأحداث مش بيستهين بعقلية المشاهد و يمكن هو أحسن من كل المسلسلات العربية اللي بتعرض في رمضان السنة دي اللي كلها مملة و ممطوطة
مش عارفة بس أنا يمكن متحيزة علشان أنا كمان بحب الشعب الانجليزي جدا و تعلمت اللغة البريطانية و ليست الأمريكية و بتمنى في يوم أشوف بلدنا جميلة زي بلادهم في نظافتها و تنسيق الخضرة بشكل جمالي مش بشكل عشوائي من باب وجود الخضرة و خلاص زي مدينة العاشر من رمضان اللي أنا عايشة فيها. نفسي نكون مسلمين و عندنا اسلام فنكون مهذبين و منضبطين و بنتقن عملنا و نحافظ على أساسيات الذوقيات و الأخلاق اللي هي من أساسيات ديننا
يللا خليني أتمنى و أدعي اني أكون واحدة من اللي ممكن يحدثوا هذا التغيير ساعتها مش هتمنى اني أكون انجليزية و هكتفي بكوني مصرية
ملحوظة: للي يحب يتفرج على المسلسل هو بيعرض الساعة 10:30 مساءاً بتوقيت القاهرة و الاعادة الساعة 2:30 صباحاً على قناة الـ MBC4
3 comments:
مش عارفة :). يمكن أنا مش زيك أوي في موضوع المسلسلات دة... النوع دة خصوصا مش من الحاجات اللي بحب أتابعها خالص بس يمكن مونك أيوة
لكن دة شخصيا عمري حتى مااديت نفسي فرصة أشوف حتة منه...ودة أكيد كمان عيب فيّ لأني بحكم من غير مااتأكد ساعات
:)
معاكي جدا جداااا في كل كلامك على الانجليز، و حقيقي هم محترمين و منضبطين لدرجة "مستفزة" أحيانا:). أنا كمان بحب أفلامهم أوي عشان أسمع اللغة بتاعتهم، بس مش شفت مسلسل بريطاني
عارفة؟؟آخر كلام انتكتبتيه فكرني أوي أوي بكلام خالي.. كان فعلا دايما بيقول إن هناك مسلمين بس من غير إسلام، و هنا إسلام من غيرمسلمين
البلوج بتاعك من جوة القلب أوي :). شفت فيه كتير من اللي فات و مش حسيت بملل خالص
و عجبني البوست بتاع منير أوي
تحياتي ليكي و لهاجر :)
whish I were a butterfly شرفتيني بزيارة المدونة و مبسوطة انها عجبتك
معاكي حق مسلسل مونك كمان جميل و بشوفه و الجميل فيه كمان انه مش بوليسي لكن في سنة كوميديا لطيفة جداً
بزعل قوي لما بلاقي اننا فعلا مش ملتزمين بأخلاق و ديننا و بتمنى اني أكون واحدة من اللي بيحاولوا انهم يخلونا كشعب و كبلد أحسن ناس و بلد في الدنيا لاننا عندنا المقومات اللي توصلنا لدا و لكن الغط فينا احنا على رأي المقولة الشهيرة "نعيب زماننا و العيب فينا"
بس تفتكري ممكن يجي اليوم اللي نكون زي الانجليز؟؟!!
أكيد كل حاجة ممكنة
بس اللي أعرفه إن مش ممكن نبقى زيها في وقت قريب للأسف
شكرا على تعليقاتك الجميلة أويييي :) اللي لقيتها في البلوج من فترة،و شكرا على ردك علي كمان
تحياتي
Post a Comment