كالعادة طبعاً متأخرة جداً جداً جداً بس فعلاً اليوم بيجري هوا و دائماً زحمة موووووووووووووووووووووت و حتى لما نويت أكتب قبل نهاية شهر يناير النت اتقطعت في الشرق الأوسط كله
ما علينا ماعلينا المهم بقى، "عيد ميلاد الليلة مين؟؟ عيد ميلاد النونا. هنفرح ست الحلوين و نشيلها في عيونا" و دا طبعاً على رأي الست نانسي عجرم حبيبة قلب البرينسس جوجو
يوم 7 يناير الماضي البرينسس هاجر تمت أول سنة في عمرها كانت أحلى سنة عدت علي أنا و باباها و يا رب إن شاء الله كل سنين عمرها تبقى أحلى أيام حياتنا.
فعلاً هاجر دخلت الفرحة على قلوبنا
بس هي فعلاً أروبة بعد العيد ميلاد مسكت كل الهدايا و قرأت الكروت جاية من مين علشان اللي ماجبش هدية يعمل حسابه خلااااااااااااااااص اتحط في البلاك ليست و خصوصاً ان دا مش أي عيد ميلاد دا أول عيد ميلاد
كل سنة و انتي طيبة يا حبيبة قلبي و عقبال مليوووووووووووووووووون سنة يا رب
5 comments:
كل سنة و جوجو طيبة يا رب
بس قوليلى
هى لسه بتكاكى
:)
ربنا يفرحك بيها يا رب
و الله يا شوشو أنا مش فاكرة هي كانت بتكاكي؟؟!! أصل دلوقتي هي بتعمل حاجات أكبر من كدا بكتير كل يوم في جديد بينسيني اللي كان قبله حاجة تحفه بالقويييييييييييي D:
بسم الله ما شاء الله
ربنا يحميها يا رب
ربنا يبارك لك فيها و يسعدك بوجودها جنبك العمر كله
تحياتى ليكى و لجوجو
الملاك الصغير اللى صورها خطفت قلبى
ما شاء الله عليها
ريم:
أنا متشكرة قوي على التعليق الجميل دا انتي مش متخيلة بفرح ازاي بالكلام الجلو علي هاجر.
و شكراً على زيارتك للمدونة و يا رب التدوينات تكون عجبتك و دائماً أشوفك عندي
Post a Comment