أعتقد ان كلنا عندنا نسخة من الشخصية دي في حياتنا. شخصية "عبده المهم". مش عارفة الشخصيات دي بتحس انها بتستمد أهميتها من انها تعقدك في حياتك و تحسسك ان مفيش مصلحة ليك معاهم ممكن تتقضي بسهولة. دائماً الأمور مش سهلة و لازم تاخد وقت و لازم طلبك يتركن بالأيام و الأسابيع مهما كان طلبك صغير و بسيط و ممكن يتقضي بسهولة.
سبحان الله من الطبع دا و هو أكثر انتشاراً بين موظفين الحكومة و اللي اتعقدت منهم في الكام أسبوع اللي فاتوا علشان بغير أوراقي كلها لغلطة ظهرت في إسمي على حين غرة
بس أنا اتعقدت من الناس دي و الله. و بقول لكل واحد أو واحدة شايف نفسه "عبده المهم" اتقي الله في غيرك و اعرف انك هتكون فعلاً عبده المهم لما هتقضي مصالح الناس و لما تساعد زملائك في الشغل وتيسر حياتهم لانك ساعتها فعلاً هتكون بتريحهم و هتكون مهم عندهم
سبحان الله من الطبع دا و هو أكثر انتشاراً بين موظفين الحكومة و اللي اتعقدت منهم في الكام أسبوع اللي فاتوا علشان بغير أوراقي كلها لغلطة ظهرت في إسمي على حين غرة
بس أنا اتعقدت من الناس دي و الله. و بقول لكل واحد أو واحدة شايف نفسه "عبده المهم" اتقي الله في غيرك و اعرف انك هتكون فعلاً عبده المهم لما هتقضي مصالح الناس و لما تساعد زملائك في الشغل وتيسر حياتهم لانك ساعتها فعلاً هتكون بتريحهم و هتكون مهم عندهم
6 comments:
كويس انى لحقت اكون اول تعليق
هههههههههههههههههه حلوه اوى عبده المهم
واضح ان كل موظفى الحكومه مهمييييييييين اوىىىىىىىىىىىى
رحت شئون الطلاب فى الكليه اسأل على اوائل العام الماضى على امل اكون منهم
وقفت عند مكتب واحده ست عشان اسألها
من قبل اما افتح بقى بكلمه واحده انتى واقفه هنا لييييه ها؟
اللى موقفك عند مكتبىى؟
اولى روحى عند فلان تانيه روحى عند فلانه
ابعدى من هنا
كل ده طبعا بالعين الحمره
عرفت مين اللى هروحله لقيته مزوغ
رحت بعدها بيومين مزوغ برضه
بعدها بيومين اخيييييرا لقيته
وقفت عند مكتبه
لو سمحت
لو سمحت
لو سمحت انا عاوزه اعرف اوائل اولى انجليزى عام السنه اللى فاتت
كررت الجمله دى كمان مره
ساعتها ادرك ان فى بشر واقف جنبه بيتكلم تقريبا
معنديش
معرفش
قلتله طب اعرف منين
مفيش حاجه اسمها اوائل؟؟؟؟
رد عليه بكل برود
ساعتها قلت خساره اللى يتفوق فى الكليه دى :-(
يلا كله كده
تلاقيهم بيفطروا لما يخلصوا فطار وشرب الشاى والحلو ويلموا عزاويل الفطار ويغسلوا ايديهم وينعنعوا بقهم ويتمطعوا شويه
تلاقى واحده رفعت النظاره تقولك عاوزه ايه
ده لو كنتى من ذوات البال الطوييييييييييييييييييل
كل مصلحه حكويه وانتى طيبه
ياريت تردى على التاج اللى مررته wish i was butterfly
مش بس المصالح الحكومية و حياتك و حتى القطاع الخاص أنا مكوية بنار بعض الزملاء ربنا يعافينا منهم على خير.
أم بقى يا ستي موظفين الحكومة دول فموالهم موااااااااااااااااال مش بقول لكا؟ زوريني قريبا تجدي ما يسرك ان شاء الله
و ربنا يعوض عليكي في موضوع الأوائل دا يا حبيبتي
و إن شاء الله قريب جدا كمان هرد على التاج
عبده المهم وعبده عقد
وام عبده فين كمان يا روزا صباحك جميل
عالم صوفي:
صباحِك أجمل. شرفتيني بزيارة المدونة. و بعدين سامحيني لو كانت التدوينة جابت لك إكتئاب بس هنعمل ايه بقى؟ نصيبنا و حظنا إننا نعيش القرف اللي إحنا فيه دا.
و أملي في الله انه يتغير بايدينا و قريب إن شاء الله.
هي محاولة لإضفاء قدر من الأهمية - محاولة لتعويض تهميش المجتمع لهم
أغلب هؤلاء هم من المهمشين الذين يعانون التجاهل من كل الناس خارج جدارن مكاتبهم - حتى في بيوتهم !
مثل هؤلاء يعتبرون أعمالهم هي نقطة نفوذهم الوحيدة في الحياة فهي لذه لا يقدر أحد على حرمانهم منها ...
"سيبيلي الورق و فوتى عليا بكرة آخر النهار أكون بصيت فيه"
جدو إسكندر:
معاك كل الحق و الله هو فعلاً نقص و نقص شديد جداً و سواء لإضفاء أهمية أو لنفوس سيئة بتكره الخير للبشر و عايزة تحس انها دائما على حق في الآخر ما هو إلا نقص.
بس و الله أنا لي سؤال ما ينفعش الورق دا يخلص النهاردة؟
Post a Comment